Sjofár

Frå Safon.org

Ein sjofár (hebraisk שׁוֹפָר [šōfār]) er eit bukkehorn utan fingerhol bruka som signalinstrument i jødiske ritual — særleg i samband med rosj hasjaná og kippúr. Utanom desse dagane blir sjofáren tradisjonelt bruka som signalinstrument for å kunngjera at sjabbáten nærmar seg på fredagsettermiddagen i ein del sefardiske samfunn. Asjkenazím blæs tradisjonelt på sjofáren kvar dag gjennom heile månaden elúl anna enn på sjabbát.

Ulike typar horn blir bruka i ulike tradisjonar. Asjkenazím og ein del sefardím brukar oftast dei relativt korte horna av vêr (bekre) eller geitebukk. Témaním (jemenittiske jødar) brukar derimot oftast dei lange og korketrekkjarforma horna av kuduar. Blant spanske og portugisiske jødar er det lange og lett boga hornet av oryx tradisjonelt mykje bruka.