Siddúr

Frå Safon.org

Fem ulike siddurím.

Foto: Olve Utne

Siddúr opna til ngamidáen. Sidan dette er under morgongudstenesta for kvardagar, brukar den som les tefillín (bønereimer).

Foto: Shirley Q.

Ein siddúr (hebr. סִדּוּר [sid'dūr] el. סִידּוּר); pl. siddurím) er ei jødisk bønebok. Ein siddúr inneheld typisk sett bøner for kvardagar og sjabbát, men kan òg innehalde ritual for overgangsritual og/eller dei tre valfartsfestane pesaḥ (jødisk påske), sjabungót (vekefesten, jødisk pinse) og sukkót (lauvhyttefesten).

Ein siddúr som inneheld dei faste bønene for alle dagane i året eller spesifikt for dei høge heilagdagane (rosj hasjaná og kippúr) blir gjerne kalla ein maḥzór.

Ulike etniske retningar av jødedommen, som sefardisk jødedom og asjkenazisk jødedom, har noko ulik utforming av sine siddurím.