Sarōd

Frå Safon.org

Ein sarōd (hindī सरोद, bānglā সরোদ) er eit indisk klimpreinstrument som truleg er utvikla frå senya-rebaben, eit indisk/persisk instrument som vart spela i India fram til 1800-talet. Sarōden er eit lutt-liknande instrument med kropp av eitt emne av indisk mahogny eller teak med gripebrett av stål utan tverrband. Kroppen av instrumentet er trekt med geiteskinn, og stolen står i press mellom strengene og geiteskinnslokket. Sarōden har fire spelestrenger, seks rytme- og grunntonestrenger og 15 resonansstrenger. Ein klimprar på strengene med ein «djaba» — eit plekter laga av kokosnøtt.

Video frå YouTube

Denne videoen er ikkje lokalt lagra, men ligg på nettstaden YouTube, som er juridisk ansvarleg for innholdet. Om du meiner at denne videoen er eit opphavsrettsbrot, så meld straks frå til YouTube. Rajrupa Sen (f. 1982), elev av prof. Sanjoy Bandopadhyay, framfører rāga Mālkauns, ein rāga som passar for tida kring midnatt. Moinak Banerjee akkompagnerer henne på tāblā.

Sarōd-liknande instrument kan sjåast i utskjeringar frå det første århundret av den moderne tidsrekninga i Champa-tempelet og på veggmåleri i Ajanta-grottene. Det liknar òg på rababar frå Afghanistan og Kashmir. Sarōden vart endra av Amir Khusru på 1200-talet. I moderne tid har ustad Ali Akbar Khan innført endringar av instrumentforma for å betre lydkvaliteten.

Vidkjende sarōdspelarar er Ali Akbar Khan, Sharan Rani og Amjad Ali Khan.

[endre] Lenkjer

• «Alt» om sarōden frå sarod.com
• Sharan Rani sin nettstad
• Ali Akbar Khan sin nettstad
• Sarōden sitt opphav og alder

Denne artikkelen er heilt eller delvis basert på artikkelen «Sarod» frå Nynorsk Wikipedia og kan kopierast, distribuerast og/eller endrast slik det er sett opp i GNU fri dokumentasjonslisens.