Romsdals Amt

Frå Safon.org

1662–1670 og 1675–1688: Romsdals Amt inkluderte opprinneleg berre Romsdal (lilla) og Nordmør (grønt). Sunnmør (lysegrått) var ikkje inkludert i desse to periodane. (Noverande kommunegrenser er viste i kvitt.)

I tida 1670–1675, og permanent frå 1689, var òg Sunnmørs Fogderi (i blått) underlagt Romsdals Amt, men det skilte seg ut frå resten av amtet ved å høre til Bergenhus Stiftsamt heller enn Trondhjems Stiftamt.

I 1838 gjekk Vinje over til Søndre Trondhjems Amt i samband med opprettinga av Hevne Formandsskabsdistrict. Området ved Stemshesten ute mot havet og Eidsøra ved Sunndalsfjorden vart overført frå Nordmørs Fogderi til Romsdals Fogderi i løpet av 1800-talet.

Romsdals Amt vart oppretta i 1662 som underliggjande amt til Trondhjems Stiftsamt. Amtet var opprinneleg samansett av dei to futedøma Nordmørs Fogderi, som før hadde ligge direkte under Trondheims len, og Romsdals fogderi, som var den direkte vidareføringa av Romsdals len.

I tida frå 1671 til 1675 låg òg Sunnmørs Fogderi under Romsdals Amt; men frå 1675 til 1678 var Sunnmørs Fogderi og Nordfjords Fogderi eige amt under amtmann Christian Lindenov. Sunnmør og Nordfjord vart innlemma direkte i Bergenhus Stiftsamt frå 1679, og først i 1689 vart Sunnmørs Fogderi lagt permanent under Romsdals Amt, men framleis tilhørande Bergenhus Stiftsamt.

Amtet var administrert frå Molde, der dei fleste amtmennene òg var busette. I 1919 skifta amtet namn; først til Møre fylke, og den 1. juli 1935 til det noverande Møre og Romsdal fylke.

[endre] Amtmenn

• 1671–1675 Christian von Lindenow
• 1675–1677 Fredrik Offenberg
• 1680–1681 Daniel Knoff
• 1680–1691 Jonas Lilienskiold
• 1691–1700 Iver von Ahnen
• 1702–1703 Hans Lilienskiold
• 1704–1719 Hans Hanssen Nobel
• 1720–1729 Erich Must
• 1729–1731 Michael Worm
• 1731–1742 Christian Solgaard
• 1742–1751 Christian Ulrich Tønder
• 1750–1773 Nils Krog Collin
• 1751–1760 Andreas Fjeldsted
• 1773–1800 Even Hammer
• 1800–1811 Ole Hannibal Sommerfeldt
• 1811–1840 Hilmar Merincke Krohg
• 1840–1853 Gulbrand Thesen
• 1853–1892 Nils Weyer Arveschoug
• 1892–1902 Ludvig Arnoldus Leth
• 1902–1906 Alexander Kielland
• 1906–1913 Birger Kildal
• 1914–1918 Oddmund Vik

[endre] Lenkjer

• «Amtmennene i Romsdal» av Per Gjendem.
• Romsdal sogelag: kjeldeskrift
• «Dei første styreformene og fogderia» i Sogn og Fjordane Fylkesleksikon

Denne artikkelen er heilt eller delvis basert på artikkelen «Romsdals amt» frå Nynorsk Wikipedia og kan kopierast, distribuerast og/eller endrast slik det er sett opp i GNU fri dokumentasjonslisens.