Pinnekjøt

Frå Safon.org

Pinnekjøt er ein tradisjonell norsk matrett med røter hovudsakleg på Vestlandet. Ein spekar (vaskar, saltar og heng til tørk i nokre månader) ei heil side av lam eller sau. Denne sida blir så grundig utvatna og oppdelt. Ein dampar så kjøtet i ei gryte med pinnar av eine eller bjørk som rist, eller eventuelt med ei metallrist i staden. Kjøtet blir servert med kålrabistappe og flatbrød som festmat. Det er òg tradisjonelt å servere feittet frå gryta som saus.

Det finst store lokale skilnader i korleis ein lagar pinnekjøtet. Nokre brukar hjort eller reinsdyr i staden for fårekjøt og nokre røykjer kjøtet før det blir tørka. Dei fleste familiane dampar tradisjonelt kjøtet på bjørkepinnar, men ein del familiar brukar tradisjonelt einepinnar i staden. Mange serverer òg potetar som tilhør — og i mange familiar serverer ein andre kjøtretter i lag med pinnekjøtet.

[endre] Oppskrifter

[endre] Pinnekjøt frå Sunnmør

etter Anna B. Gimnes, f. Halle (1906–1992).

Ingrediensar

 - salta og tørka lammeside
 - vatn
 - einepinnar utan bark
 1 einekvast med bar og bær
 
 - kålrabi
 - potet
(- evt. svart pepar)

Framgangsmåte

1. Den salta og tørka lammesida delast opp etter ribbeina. Del evt. store bein i to.
2. Vatn ut kjøtet.
3. Nedst i gryta legg ein friske einepinnar (utan bark) på kryss og tvers. Om ein ikkje har nok einepinnar, kan ein kombinere dem med ei stål- eller aluminiumsrist. Oppå dem legg ein så det oppdelte og utvatna kjøtet og ein einekvast. Ha på vatn til det dekkjer einepinnane.
4. Kjøtet skal dampe under lokk i ca 3–4 timar. Fyll evt. etter med vatn så det ikkje kokar tørt.
5. Kok kålrabi og potet.
6. Når kjøtet er ferdig, tek ein det opp av gryta og legg det på fat.
7. Feittet nedst i gryta har ein i sausekoppar som tilhør.
8. Kålrabien og litt av poteten mosest i lag med litt av feittet til kålrabistappe. Tilsett evt. pepar etter smak.
9. Legg resten av poteten på serveringsfat.
10. Servér pinnekjøtet med kålrabistappe, feitt, potet (til dei som ikkje likar kålrabistappe) og flatbrød. Drikke: vatn, mineralvatn, brus, øl.
11. Til dessert kan ein ha fruktsalat.