Krumkaker

Frå Safon.org

Kakefat med kjegleforma krumkaker øvst til venstre. Dei andre kakeslaga er goro med hanemønster (nedst til venstre) og smultringar (til høgre). (Foto: Olve Utne)

Krumkaker er ein type småkaker av røre som blir steikte i krumkakejarn og deretter forma over kjegler til kremmarhus eller i koppar til koppform. Krumkakene blir sprøe når dei kolnar av. Dei blir gjerne etne med fløytekrem eller iskrem, men dei er kanskje mest populære som julekaker.

[endre] Oppskrifter

etter Anna B. Gimnes, f. Halle (1906–1992).

I

Ingrediensar

125 g kveitemjøl
125 g smør
125 g sukker
  5    eggekvitar

Framgangsmåte:

Gjer smøret mjukt og rør kvitt med sukkeret; tilsett mjølet og dei stivpiska kvitane. Steik lyse gulbrune i krumkakejarnet og krum dei over krumkakekjegla med ein gong dei blir tekne or jarnet.

II

Ingrediensar

1 kopp sukker
1 kopp smør
1      egg
1 kopp mjølk
1 kopp potetmjøl
1 kopp kveitemjøl
 litt  vaniljesukker