Johan Daniel Berlin

Frå Safon.org

Johan Daniel Berlin (12. mai 1714–4. november 1787) var ein norsk komponist, organist og bymusikar.

Berlin vart fødd i den prøyssiske byen Memel, i det noverande Litauen. Han reiste til København i 1730, og lærde med bymusikaren Andreas Berg dei neste sju åra. Frå 1737–1767 var han bymusikar (stadsmusikant) i Trondheim. Berlin var òg organist i Nidarosdomen (1741–1787) og Vår Frue kirkje i Trondheim (1752–1761).

Berlin komponerte ein heil del, men berre nokre få av verka hans er tekne vare på: tre sinfoniaer i D-dur for orkester, ein fiolinkonsert i A-dur og nokre småstykke for cembalo.

Denne artikkelen er heilt eller delvis basert på artikkelen «Johan Daniel Berlin» frå Nynorsk Wikipedia og kan kopierast, distribuerast og/eller endrast slik det er sett opp i GNU fri dokumentasjonslisens.