Garnbinding
Frå Safon.org
Garnbinding, eller å binde garn, er kva ein kallar det å produsere fiskegarn. Ein brukar garnnåler til å binde tråden til masker. I eldre tid vart garna bundne av hampetråd, men seinare vart bomull vanlegare. Både hampe- og bomullsgarn laut impregnerast. I nyare tid har nylontråd, og etterkvart nylonsen, vorte vanleg. Maskevidda er avhengig av kva fisk garnet skal brukast til — frå småmaska garn for sild og småaure til stormaska garn for torsk. Ein held kontroll med maskevidda under bindinga med garnkjevle. Når tråden skal kuttast, brukar ein ein garnkniv (òg kalla bøtekniv) — ein liten, kortblada kniv med bakenden av bladet bøygd til ein ring som ligg kring eine fingeren på hovudarbeidshanda.
