Emne:Ortodoks jødedom - Safon.org

Emne:Ortodoks jødedom

Frå Safon.org

Jump to: navigation, search

JØDEDOM • KASJRUT • SYNAGOGAR • HØGTIDER & MERKEDAGAR • ORTODOKS • MASORTI • REKONSTRUKSJONISTISK • PROGRESSIV
PORTUGISARJØDAR • HØGTYSKE JØDAR • OSMANSKE SEFARDIM • HAMBORG & SLESVIG-HOLSTEN • DANMARK • NOREG • SVERIGE • FINLAND

Ortodoks jødedom er ei retning av rabbinsk jødedom som ser på halakhá som eit absolutt bindande, overordna og i alle hovudtrekk statisk lovsystem for det jødiske folket. I ortodoks jødedom blir det særleg lagt vekt på kasjrút (matføreskrifter), sjabbát (kviledagen) og tahoràt hammisjpaḥá (rituell reinskap i ekteskapet). Ortodokse jødar reknar deira form av jødedommen for å vera den mest tradisjonelle og meiner vanlegvis at alle andre former av jødedom er eit brot med jødisk tradisjon. Konservative (eller masorti) jødar meiner på si side derimot gjerne at ortodoks jødedom har forlate den tradisjonelle, dynamiske jødedommen til fordel for eit statisk og dogmatisk system. I ortodoks jødedom er det i utgangspunktet strengt definerte kjønnsrollar. Kvinner har ansvar for heimen, medan menn har ansvar for alle offentlege religiøse funksjonar, inkludert i synagogen. Det er vanleg at kvinner dekkjer håret med eit skaut eller, i nokre asjkenazisk-ortodokse samfunn, parykk. Ortodoks jødedom kan blant anna underdelast i moderne ortodoks jødedom (inkludert feministisk-ortodoks jødedom) og ḥaredisk jødedom (òg kalla ultraortodoks jødedom).

Artiklar

Ḥakhám Ovadia Yosef, hebr. עובדיה יוסף (f. 1920); òg skrive Ovadia Yossef, er ein ḥaredisk rabbinar, talmúdlærd og posék (anerkjent halakhá-tolkar). Han er tidlegare sefardisk risjón leṢijjón (sefardisk overrabbinar i Israel) og noverande åndeleg leiar for det politiske partiset Shas i Knesset (det israelske parlamentet). Ḥakhám Yosef sine tesjubót (halakhiske svar) er svært høgt respekterte i den ortodokse verda og blir sett på som bindande i mange mizraḥiske samfunn. Hans tesjubót utmerkar seg ved at dei siterer nærmast alle kjelder som finst om emnet det er spørsmål om, og dei blir nokre gonger omtala rett og slett som katalogar over alle tidlegare tesjubót. Som åndeleg leiar for Shas-partiet blir ḥakhám Yosef sett som primus motor i arbeidet for å betre statusen til sefardím og mizraḥím i Israel. Han står for synet at det å stemme i parlamentsval og å delta i israelsk politikk er nykelen til denne betringa, og gjennom posisjonen sin i Shas har han vorte ei viktig — og kontroversiell — stemme i israelsk politikk.   Les meir …
Michael Melchior (f. 31. januar 1954) er ein dansk-jødisk rabbinar og israelsk politikar og representant for det venstreorienterte religiøse partiet Meimad i Knesset (det israelske parlamentet). Michael Melchior vart fødd inn i ein rabbinarfamilie i København og fekk sin semikhá (ordinasjon) som rabbinar frå Yeshivat Hakotel i Jerusalem. Han tente i mange år som rabbinar ved Det Mosaiske Trossamfund i Oslo, der han inntil nyleg framleis var overrabbinar.   Les meir …
Marcus Melchior (1897–1969) var ein dansk rabbinar som blant anna er kjent som fungerande overrabbinar i Danmark under berginga av dei danske jødane i 1943. Marcus Melchior kom frå ein framtredande jødisk familie i Danmark. Etter nokre få år som rabbinar i i Tyskland, vart han rabbinar for Det mosaiske Troessamfund i København i 1934.   Les meir …
Populære sider

Mest lese

ਸੇਵਾ · DUGNAD · צדקה

Nettstaden Safon.org blir driven på frivillig basis. Du kan hjelpe til på fleire måtar:

Skriv: Om du har kunnskapar om skandinavisk kystkultur, jødedom, samar, reisande, sikhisme, buddhisme, unitarisme, bahá’ítru eller islām, og du godtek retningslinene, så er du velkommen til å laga deg brukarkonto og vera med og skrive.

Kjøp og lær: Om du gjerne vil lære meir og samtidig støtte arbeidet med Safon.org økonomisk, så kan du kjøpe bøker på Hassafon Forlag sin nettbutikk. Så langt finst det ei bønebok for fredag kveld, ei novelle av Grace Aguilar og ei bok om norsk vokal folkemusikk der.   For fleire bøker om religion og kultur med hovudvekt på sefardisk jødedom og sikhisme, sjå Safon web shop.

Tikkún ngolám: Om du vil gjera ei god gjerning generelt, så besøk gjerne The Hunger Site og klikk for å hjelpe sveltande menneske i den tredje verda. (Det er gratis.)

Les meir om korleis du kan hjelpe...



Henta frå «http://safon.org/nn/index.php/Emne:Ortodoks_j%C3%B8dedom»
Personlege verktøy