Borecas

Frå Safon.org

Ḥanukká

Historie: Makkabearane Makkabæingkampen (O.J. Høyem) Ḥanná & sønene Jehudít & Holofernes Megillàt Antijjokhós Ordet ḥanukká Lystenning Songar: Hannerót hallálu S: Hazeremos una merenda · Mi ze jemallél · Ocho candelicas A: Channeke, oi channeke · Mangóz ṣur · Mi jemallél · O, ir kleine lichtelech · Sevivón Klassisk musikk: Händel: Judas Maccabæus Mat: S: bimuelos · borecas · semulepudding A: latkes

Borecas eller borekas svarar til börek på tyrkisk og finst på menyen i mange tyrkisk-drivne gatekjøken i Noreg under namnet børek.

I sin typiske tyrkiske versjon er børeken ein innbakt butterdeigspai på storleik av ein munnfull eller tre med fyll av fetaost og grønsaker — gjerne gulrøter og spinat. Sefardím i Det osmanske riket slo saman den tyrkiske børeken og sine iberiske pastelas (òg kalla empanadas, pastillas, pastidas) til den karakteristiske osmansk-sefardiske matretten borecas.

Borecas med ost- og grønsaksfyll er populær mat for desayuno (seinfrukost) etter sjaḥarít (morgongudstenesta) på sjabbát. På sjabungót er osteborecas svært populære til mjølkemåltid blant osmanske sefardím.

• Ein lagar ein porsjon butterdeig og deler opp i kuler som er omlag 2–3 cm i diameter.
• Kjevl ut kulene til runde leivar som er ca 7–8 cm i diameter.
• Legg på ei toppa matskei (ss) med fyll av egg og potetar og eventuelt òg spinat og løk.
• Fold leivane saman over fyllet så kvar boreca har halvmåneform. Press saman kantane med ein gaffel.
• Legg borekaene på eit smurt bakebrett (evt. bakepapir) og pensle dei med eit lettpiska egg.
• Steik i omnen ved ca 185 °C i ein halvtimes tid.
• Servér varme eller kalde.