Aasmund Olavsson Vinje: «Tyteberet»

Frå Safon.org

«Tyteberet»
av Aasmund Olavsson Vinje

1. Tyteberet uppå Tuva
   vox utaf ei liten Von.
   Skogen med si grøne Huva
   fostrar mangein raudleitt Son.
    
2. Eingang seint um Hausten lagde
   liten Svein til Ber-Skogs ut:
   «Raudt eg lyser,» Beret sagde,
   «Kom åt meg, du Vesle-Gut.
    
3. Her ifrå du må meg taka:
   mogjet Ber er utan Ro.
   Mal meg sundt, at du kan smaka
   Svaladrykken af mit Blod!
    
4. Mognar du, so vil du beda
   just den sama Bøn som eg.
   Mogjen Mann det mest må gleda,
   burt for Folk at gjeva seg.»
    

[endre] Kjelder

Gjennom Wikisource frå Mindre kvæde. Denne utgåva teken frå A.O. Vinje: Dikt og prosaskrifter i utval ved Halvdan Koht, Kristiania, forlagt af H. Aschehoug & Co (W. Nygaard) 1903.